•  

    Urdu Ghazals

    Inkaar Mein Iqraar Ki Baat Aa Hi Gayi Hai

    february 11, 2014, posted in ilhaami aayaat, mazhar imam

     

     

     

     

    Inkaar meiN iqraar ki baat aa hi gayi hai
    BatoN meiN Gham-e-yar ki baat aa hi gayi hai

    Aaya hai kabhi zikr agar dar-o-rasan ka
    Gesoo-o-qad-e-yar ki baat aa hi gayi hai

    Jab surKhi-e-gulshan ka kabhi zikr hua hai
    Tere lab-o-ruKhsaar ki baat aa hi gayi hai

    DhooNda hai agar zaKhm-e-tamana ne mudaawa 
    Ek nargis-e-bimaar ki baat aa hi gayi hai

    Mil baiThe haiN zandaaN meiN agar sham ko ahbab
    Tere dar-o-deewaar ki baat aa hi gayi hai

    ChaiRa hai koi talKh fasaana jo kisi ne
    Shirini-e-guftaar ki baat aa hi gayi hai

    (Mazhar Imam)

Comments

  • (no comment)

Post Comments

Can't see the security text? Click here